Overblog
Editer l'article Suivre ce blog Administration + Créer mon blog
30 septembre 2015 3 30 /09 /septembre /2015 16:37
Jean Pierre BELMON
Jean Pierre BELMON

Èra tot bèu just sepelit Joan Saubrement, que nos tombava la novèla de la despartida dau brave collèga Joan-Pèire Belmon, dalhat lo 25 de setembre per la mema òrra malautiá. Èra naissut a Marselha en 1952.

Lo rescontèri lo premier còp, Joan-Pèire, au mitan deis annadas 70, podriáu pas dire la data justa, en cò de Jòrgi Reboul. Se me ramenti ben, parleriam d’un projècte qu’aviá de far un jornau occitanista. Me demandèt d’i collaborar. Foguèt « La Bugada » aqueu jornau, que d’annadas de temps te faguèt una brava bolegadissa.

A aqueu moment èra encara mèstre d’escòla Joan-Pèire. Mai èra pas fach per aquest mestier e s’endraièt puei dins l’audiovisuau qu’anava mièlhs a son biais. D’en premier a Radiò França Vauclusa en 81, venguda puei Radiò Blau Vauclusa, e plus tard, per badat, a l’emission televisada « Vaquí » de França 3 Mediterranèa. Son totei lei parlars occitans de Provença que posqueriam ausir aquí, valent a dire, tot lo pòple nòstre que posquèt presentar son parlar. M’es agut arribar de participar ambé Joan-Pèire a d’emissions televisadas e tirèri totjorn de gròs profiechs de son professionalisme.

Òme de television e de radio, èra tanben un escriveire que gaubejava una lenga castigada tot estent populara. E amb aquò, una modestia e una dubertura d’esperit que li permetiá, tot servent seis idèas, d’aver de discussions ambé tot lo monde e mai lei gents !

Es aquò, e la fe dins l’umanitat, que lo butèt de prene a sa retirada, fa tres ans, lei destinadas dau Centre d’Etudes de la Parole d’Oc (CEP d’Oc), as Ais-de-Provença. Aquí, au caire d’un molonàs de realizacions coma de videòs per donar d’exemples de lenga viva, teniá un autre molonàs de projèctes per l’avenir. E dins un mèl mandat fa gaire, a Maria-Joana Verny, dau temps qu’èra espitalizat e qu’ai sota leis uelhs, t’aviá previt dins sei projèctes d’organizar au mes de janvier de 2016, una jornada sus lo romavatgi dei trobaires d’Ais de 1853 : n’aviá ja bastit lo debanament, eu que maugrat lo mau que lo rosigava cresiá dins l’avenir de la cultura nòstra e contunhava la lucha.

Adieu Joan-Pèire, que sabi pron que nosautrei dos se rescontrarem jamai dins leis astres, mai que tu auràs obrat per lei fremas e leis òmes d'aquest país.

Glaudi BARSOTTI, 30 de setembre 2015

-

Dins lo CA du CREO de la fin deis annadas 70 e debuta de 80, que n'èri secretari, eriam pròchi per lo vejaire e lo sentit. E tanben après un molon d'annadas quand veniâs faire teis emissions dins lo canton a Marselha.

Me rementi nòstra emocion comuna quand te rampelèri per la batesta deis obriers qu'ocupavan l'usina de La Madraga, l'a quatre annadas, e tanben la tièuna a costat deis obriers de la SNCF coma a la tele.

E ton amor dei personas que t' aviân fa vèire un esperit de solidaritat coma lo tiâu, e pas solament per la lenga e la cultura, mais per la vida quotidiana e l'avenir de la populacion.

Joan Pèire, "Parlaras encar ai gabians escambarlant lei nivas" cada còp que leis ausirai, e de tot, qu'eras tanben lo poeta que rescontrava Bellaud, Rimbaud, e lo paure "Tonin" e tant d'autres qu'aimavas, que coma tu "tancava lo punh finau a l'òrle dei matins", laissant de que obrar a aquelei que restan.

Pèiron Assante, 30 de setembre 2015

-

Despartida de Joan-Pèire Belmon, dalhat lo 25 de setembre. E un poema de Joan Pèire : "lei gabians".

******

ET, Accéder, en cliquant sur le lien ci-dessous à :

30 TITRES sélectionnés de ce blog : Quelques essais, nouvelles, poèmes, articles de presse, de l'auteur de ce blog.... Cliquer sur leS titreS

*

Et :Tous les articles de ce blog en cliquant : ici

******

Partager cet article

Repost0

commentaires

Présentation

  • : Le blog de pierre.assante.over-blog.com
  • : Ce blog contient, sous la forme d'essais,de nouvelles, de poésies, une analyse des contradictions du mode de production, des devenirs possibles, en particulier en rapport avec l'activité humaine, le travail, l'ergologie
  • Contact

pierre.assante.over-blog.com

Recherche